पालकमंत्री मेघना साकोरे-बोर्डीकर यांच्या हस्ते प्रिन्स इंग्लिश स्कूलच्या विद्यार्थिनींचा परभणी जिल्हाधिकारी कार्यालयात सत्कार.

पालकमंत्री मेघना साकोरे-बोर्डीकर यांच्या हस्ते प्रिन्स इंग्लिश स्कूलच्या प्रेरणा आणि उन्नती यांचा परभणी जिल्हाधिकारी कार्यालयात सत्कार.

सेलू, दि. १५ ऑगस्ट २०२५: श्रीराम प्रतिष्ठान संचलित एल. के. आर. रोडगे प्रिन्स इंग्लिश स्कूल, सेलू येथील विद्यार्थिनी प्रेरणा बाबासाहेब काष्टे आणि उन्नती विजयकुमार राठी यांनी महाराष्ट्र राज्य शिष्यवृत्ती परीक्षा २०२४-२५ मध्ये उत्कृष्ट कामगिरी करत अनुक्रमे राज्यस्तरीय ६ वा आणि १० वा क्रमांक मिळवला. या यशाबद्दल त्यांचा सत्कार परभणी येथील जिल्हाधिकारी कार्यालयात पालकमंत्री मेघना बोर्डीकर यांच्या हस्ते करण्यात आला. यावेळी परभणीचे जिल्हाधिकारी श्री.रघुनाथ गावडे, मा. मंत्री फौजीया खान व इतर मान्यवर उपस्थित होते.प्रेरणा आणि उन्नती यांच्या या यशाने शाळेच्या शैक्षणिक उत्कृष्टतेची परंपरा पुन्हा एकदा अधोरेखित झाली आहे. 

सलग दुसऱ्या वर्षी शाळेच्या विद्यार्थ्यांनी राज्यस्तरीय गुणवत्ता यादीत पहिल्या दहामध्ये स्थान मिळवले आहे. या दोन्ही विद्यार्थिनींच्या यशाबद्दल श्रीराम प्रतिष्ठान सेलू अध्यक्ष डॉ संजय रोडगे, सचिव डॉ सविता रोडगे, प्रशासकीय अधिकारी प्रा महादेव साबळे, मुख्याध्यापक कार्तिक रत्नाला, मार्गदर्शक शिक्षक अर्जुन गरुड आणि शिक्षकवृंदाने अभिमान व्यक्त केला आहे.

डॉ. संजय रोडगे, श्रीराम प्रतिष्ठानचे संस्थापक अध्यक्ष, यांनी सांगितले, “प्रेरणा आणि उन्नती यांच्या यशाने आमच्या शाळेचा गौरव वाढला आहे. त्यांच्या कठोर परिश्रम आणि शिक्षकांच्या मार्गदर्शनामुळे हे यश शक्य झाले. आम्ही पालकमंत्री मेघना बोर्डीकर यांचे या सत्कारासाठी विशेष आभार मानतो.”

शाळेच्या सचिव सौ. सविता रोडगे यांनी सांगितले, “या विद्यार्थिनींच्या यशामुळे आमच्या शाळेच्या शैक्षणिक दृष्टिकोनाला बळ मिळाले आहे. आम्ही विद्यार्थ्यांच्या सर्वांगीण विकासासाठी कटिबद्ध आहोत.”

परभणी जिल्हाधिकारी कार्यालयात आयोजित या सत्कार समारंभात प्रेरणा आणि उन्नती यांना स्मृतिचिन्ह, पुष्पगुच्छ आणि शाल देऊन गौरवण्यात आले. 

यावेळी पालकमंत्री मेघना बोर्डीकर यांनी विद्यार्थिनींच्या यशाचे कौतुक करत त्यांना पुढील शैक्षणिक वाटचालीसाठी शुभेच्छा दिल्या. 

प्रेरणा आणि उन्नती यांच्या या यशाने प्रिन्स इंग्लिश स्कूलच्या शैक्षणिक उत्कृष्टतेचा ठसा पुन्हा एकदा उमटला आहे. त्यांच्या या यशाने इतर विद्यार्थ्यांनाही प्रेरणा मिळेल, असा विश्वास शाळेने व्यक्त केला आहे.