प्रिन्स इंग्लिश स्कूलमध्ये स्पर्धा परीक्षेत यशस्वी विद्यार्थ्यांचा सत्कार व शिष्यवृत्ती प्रदान.

प्रिन्स इंग्लिश स्कूलमध्ये स्पर्धा परीक्षेत यशस्वी विद्यार्थ्यांचा सत्कार व शिष्यवृत्ती प्रदान.

सेलू, दि. ५ जुलै २०२५: श्रीराम प्रतिष्ठान संचलित एल. के. आर. रोडगे प्रिन्स इंग्लिश स्कूल, सेलू येथे आज आंतरराष्ट्रीय स्तरावरील स्पर्धा परीक्षेत यश मिळवणाऱ्या विद्यार्थ्यांचा सत्कार समारंभ आणि शिष्यवृत्ती प्रदान सोहळा उत्साहात संपन्न झाला. या कार्यक्रमात आंतरराष्ट्रीय गणित ऑलिम्पियाड (आय. एम. ओ.) मध्ये उत्कृष्ट कामगिरी करणाऱ्या विद्यार्थ्यांचा सन्मान करण्यात आला. यामध्ये प्रज्वल रोडगे याने प्रथम, तेजश्री चौधरी हिने तृतीय, प्रेरणा काष्टे हिने चतुर्थ आणि रिधान जोगदंड याने सातवा क्रमांक पटकावला. या प्रत्येक विद्यार्थ्याला ५०० रुपये शिष्यवृत्ती देऊन गौरविण्यात आले.

शाळेत दर पहिल्या आणि तिसऱ्या शनिवारी स्पर्धात्मक परीक्षा आयोजित केल्या जातात, तर दुसऱ्या आणि चौथ्या शनिवारी विषयानुसार आनंददायी शनिवार उपक्रमांतर्गत विविध ॲक्टिव्हिटी घेतल्या जातात. या स्पर्धा आणि ॲक्टिव्हिटींमधील विद्यार्थ्यांच्या एकूण कामगिरीच्या आधारे त्यांना भरघोस शिष्यवृत्ती प्रदान करण्यात येणार आहे. यामुळे विद्यार्थ्यांना आपली प्रतिभा सिद्ध करण्याची संधी मिळेल आणि त्यांचा सर्वांगीण विकास होईल, असे श्रीराम प्रतिष्ठानचे अध्यक्ष डॉ. संजय रोडगे यांनी सांगितले. त्यांनी मोठ्या संख्येने विद्यार्थ्यांना या उपक्रमांमध्ये सहभागी होण्याचे आवाहन केले.

हा सत्कार सोहळा विद्यार्थ्यांमध्ये प्रेरणा निर्माण करणारा ठरला. शाळेच्या प्रिंसिपल कार्तिक रत्नाला यांनी सर्व यशस्वी विद्यार्थ्यांचे अभिनंदन करत त्यांना भविष्यातील स्पर्धांसाठी शुभेच्छा दिल्या. तसेच, शिक्षक, पालक आणि विद्यार्थ्यांचे या यशासाठी आभार मानले. हा कार्यक्रम शाळेतील विद्यार्थ्यांसाठी प्रोत्साहनपर ठरला असून, भविष्यातील स्पर्धांसाठी त्यांना उत्साहित करणारा आहे.